復活節假開始﹕「精彩」事件簿

短暫的假期終於開始。

昨天我跟長毛、Queenie、達達、Vincent、洪仔、Rex眾同事去酒樓飲茶，遇上「精彩」事件。

就是當我們吃飽，正準備「埋單」之際，Rex發現茶杯中有不請自來「稀客」，於是Rex立即出手保護「證物」，並著酒樓經理過來，以下是他們的對話節錄﹕

Rex﹕你睇！我地從倒出黎既茶發現有這小東西！

女部長﹕(目定口呆望著杯中物)嗯~~唔~~我幫你換過晒所有茶杯和茶壺。(然後不當作一回事，快步離開)

Rex﹕(心心不憤)下！佢當無事發生過呀！(繼續以其手保護重要證物)

女部長﹕(拿著新的茶杯和茶壺過來，對發現小東西一事沒有任何回應，斟好茶便又跑開了)

Rex﹕佢唔係諗住側側膊嘛！我點都唔會咁就算！(於是Rex鎖定目標，call另一位男部長過來)

Rex﹕(指著杯中物)我地從你地d茶中發現有呢隻野喎！

男部長﹕哎呀！呢d野大家都唔想架嘛…嘻嘻嘻

Rex﹕咁點樣可以安慰我地受創的心靈先﹖因為我地飲左好多落肚喎！一陣間(作狀反胃)點算﹖

男部長﹕(語塞，只管笑)咁你地免費叫多幾籠點心食啦！

Rex﹕下！我地飽囉喎！食唔落！(方方這時在旁邊提示﹕起碼都免我地茶芥掛！)

男部長﹕咁免你地茶芥啦！

Rex﹕(仍不罷休)就敢就得架啦﹖隻野咁大隻喎！

男部長﹕(流汗中)咁…咁呢d野大家都唔想架嘛…

Rex﹕(將蓋滿印的點心紙遞到他面前，示意他表示點誠意)可以點樣先呢到！

男部長﹕(不知如何是好)可以點呢……

Rex﹕就咁啦！我地食左兩個頂點，就呢兩個唔駛錢啦！

(我們各人已拍案叫絕)

男部長﹕(在點心紙上畫了隻龜)啊！咁…好啦！(然後離開)

當我們各人在為Rex的堅持鼓掌，嚷著每次吃午飯都要叫他一起時，他補充了一句﹕
Rex﹕如果俾著我阿頭(楊sir)，邊止呢兩籠唔駛錢呀！半張點心紙d點心見唔左啦！

就是這頓飯，讓我們認識這位新同事更多了！